Ռազմավարություն
2018 թվականին ձևավորված Կառավարությունը որպես կարևորագույն առաջնահերթություն հռչակեց մարդու իրավունքների երաշխավորման և պաշտպանության ինստիտուցիոնալ և համակարգված քաղաքականության մշակումն ու իրականացումը: Այս համատեքստում, ՀՀ կառավարությունը 2019թ. դեկտեմբերի 26-ի 1978-Լ որոշմամբ հաստատեց Մարդու իրավունքների պաշտպանության ազգային ռազմավարությունը և դրանից բխող 2020-2022 թվականների գործողությունների ծրագիրը: Ռազմավարությունը տալիս է մարդու իրավունքների վիճակի, ինչպես նաև նախորդ գործողությունների ծրագրերի գնահատականը, նախանշում է այս ռազմավարության սկզբունքները, նպատակները, գերակայությունները, մշտադիտարկման և համակարգման, հաշվետվողականության և գնահատման մեխանիզմները:
